Krystal

中國

惠州4日3夜玩樂攻略🗺️6大打卡美景/網紅礁石酒吧/ 西湖划船‼️

越嚟越多人去內地旅行! 今日就整合咗惠州4日3夜玩樂行程，可以去網紅美景打卡, 食盡美食, 仲可以買到心水手信！詳情見圖🔎

簡單睇晒行程亮點💡

DAY1：抵達惠州→新歡海鮮坊食午餐→玫瑰禮堂→雙月灣觀景台

DAY2：巽寮灣小鐮倉→磨子石公園→東山海礁石酒吧→惠城區

DAY3：惠州西湖→朝京門→合江樓 & 水東街

DAY4：港惠新天地→回港

完整行程：

🌟DAY1： 打卡玫瑰禮堂+唯美日落(惠東區)

1️⃣新歡海鮮坊

大眾點評巽寮灣美食熱門榜第一名！可以食到即撈即做海鮮，大眾點評超多優惠套餐，¥128 2-3人套餐，可以食到多款海鮮：避風塘瀨尿蝦、蒜蓉蒸生蠔、薑蔥炒花甲、粉絲蒸扇貝、手打鮮魚餅、鮮海膽炒飯等等。

2️⃣玫瑰禮堂

網紅打卡位～三角形建築設計嘅教堂，簡約又聖神～隔離仲有海灘，可以打卡/漫步。

3️⃣雙月灣觀景台

預好時間去睇日落。觀景台上可以將雙月灣美景盡收眼底！

🌟DAY2： 3個小紅書網紅打卡位(惠東區)

1️⃣巽寮灣小鐮倉

有惠州小鐮倉之稱，唔少人都會慕名而來，陽光充足嘅日子可以打卡日系電影感照片。

2️⃣磨子石公園

裏面有好多奇形怪狀嘅石頭，可以影到充滿時尚雜誌感覺嘅照片。

3️⃣東山海礁石酒吧

小紅書上討論度極高嘅打卡位！於「日出東山海」微信小程序預訂門票¥78，可以在5個位置打卡，包括：礁石酒吧、觀光塔、礁石廊橋、礁石禮堂、礁石棧道。

打完卡後，可以去懸崖音樂餐吧食晚餐，餐廳可以睇到海灘美景。主打一邊吃西餐，一邊欣賞駐唱歌手表演，食完就可以出發前往惠城區啦～

🌟DAY3： 遊惠州西湖+食當地美食(惠城區)

1️⃣惠州西湖

被定為國家5A級風景名勝,可以睇到古色古香的建築和湖景。打卡惠州西湖最著名的景點蘇堤，可以划船遊湖～

遊完湖之後，可以去百分餅局(西湖店)買手信，店內有有多款麵包餅乾，包裝精美好適合買嚟做手信，推薦購買有惠州特色嘅梅菜餅乾。

行到肚餓就可以食惠州地膽推介茶樓有心德(西湖店)，可以睇到惠州西湖美景仲可以食到點心、粵菜。必點惠州招牌美食東坡肉！

2️⃣朝京門

建於明朝,見證逾600年歷史,後被戰火損毀，惠州政府2005年重建修復。最佳打卡位：城牆旁/城門樓前/城門樓旁樓梯。

3️⃣合江樓 & 水東街

合江樓是廣東六大名樓之一，去惠州 一定要打卡嘅地標建築！合江樓旁邊有一條集合超多美食嘅街道 - 水東街。

3大必食小食：

✅“朱記食店” - 惠州特色美食：阿嬤叫

✅“興記甘蔗冰” - 飲返杯甘蔗冰超解渴

✅“絕醒廣西酸嘢” - 食廣西特色水果撈

晚餐推介：

✅聞洲玲聞名牛肉大排檔 - 央視都曾推薦，專食牛肉火鍋。

🌟DAY4： 把握最後機會行街、購物！(惠城區)

1️⃣港惠新天地

惠州熱門嘅商場，裏面集美食、購物、打卡於一身，回港前把握最後機會血拼。

小食/餐廳推介：

✅“大鬍子冰可可” - 飲泰國網紅手搖

✅“Luke&Leia零零撻融合蛋撻” - 買現烤蛋撻，每款都超精緻！

✅“汕椰·椰子雞” - 惠州椰子雞天花板！

行程會圍繞惠州兩個區，所以需要預定兩間酒店住宿。

💡實用惠州旅遊小貼士

惠州無地鐵，所以建議搭的士/巴士，可以喺微信搜尋「惠州通出行」 查看交通實時信息。

👇🏻👇🏻立即關注我!第一時間通知你更多玩樂攻略🌟

圖片來源： 惠州文化旅游發布、惠州西湖西湖景區、惠州文旅體、惠州發布、美食惠州、日出東山海、園方東山海、珠三角商業地產、惠州有心德的微信公眾號、新歡海鮮坊、有心德、絕醒廣西酸嘢、聞洲玲聞名牛肉大排檔、百分餅局(西湖店)的大眾點評帳號、日出東山海、惠州港惠購物中心、Luke&Leia零零撻融合蛋撻的小紅書帳號

攻略 中國 惠州 中國惠州 旅遊 中國旅遊 惠州旅遊 惠州打卡 惠州美食 惠州美食攻略 惠州攻略 惠州住宿 惠州交通 惠州西湖 惠州玫瑰禮堂 雙月灣觀景台 巽寮灣小鐮倉 磨子石公園 東山海礁石酒吧 惠州朝京門 惠州合江樓 惠州水東街 惠州港惠新天地

閱讀更多